விஜய் நடிப்பில், வெங்கட் பிரபு இயக்கத்தில் உருவாகி படம் தி கோட் (The Greatest Of All Time). இப்படத்தில் விஜயுடன் இணியந்து, பிரசாந்த், பிரபுதேவா, மீனாட்சி சௌத்ரி, ஜெயராம், மோகன் உள்ளிட்டோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் பிரமாண்டமாகத் தயாரித்து வருகிறது.
விஜய்யின் கோட் படப்பிடிப்பு தீவிரமாக நடந்து வந்த நிலையில், படப்பிடிப்பு தளத்திற்கு விஜய் ரசிகர்கள் வந்து விஜய் அரசியல் கட்சி தொடங்கியதற்கு வாழ்த்துகள் தெரிவித்து, அவருடன் செல்ஃபி எடுத்துக் கொண்டனர். இதுகுறித்து வீடியோ, புகைப்படங்கள் வைரலானது.
