1980 ஆம் ஆண்டு ஹைத்ராபாத்தில் பிறந்த சமீரா ரெட்டி பாலிவுட் திரையுலகில் கடந்த 2002 ஆம் ஆண்டு வெளியான 'மெய்னி தில் துஜ்கோ தியா' என்ற படத்தின் மூலம் சினிமாவில் அறிமுகமானார். அஜித் நடித்த சிட்டிசன் படத்தில் துணை கதாபாத்திரத்தில் நடித்து பிறகு கெளதம் மேனன் இயக்கத்தில் நடிகர் சூர்யா நடிப்பில் வெளியான 'வாரணம் ஆயிரம் ' படத்தின் மூலம் தமிழ் ரசிகர்களிடையே பரீட்சியமானார்.
தமிழ், தெலுங்கு, இந்தி என பல மொழி படங்களில் நடித்துவந்த சமீரா முன்னணி நடிகையாக வலம் வர முடியாததால் படங்களில் நடிப்பதை நிறுத்திவிட்டு கடந்த 2014 ஆம் ஆண்டு அக்ஷய் என்ற தொழிளதிபரை திருமணம் செய்து கொண்டார். திருமணத்திற்கு பின்னர் குடும்பத்தை கவனித்து வந்தவர் சினிமாவில் இருந்து விலகினாலும் அவ்வப்போது பொது நிகழ்ச்சிகளில் மட்டும் தலை காண்பித்து வந்தார்.
பிறகு திருமணமான ஓராண்டிலே ஒரு அழகான ஆண் குழந்தைக்கு தாயானார். அதையடுத்து நைரா என்ற
அழகான பெண் குழந்தை பிறந்தது. தார்[குழந்தைகளுடன் முழு நேரத்தை செலவிட்டு வரும் சமீரா ரெட்டி
தனது சமூக வலைத்தளத்தில் அவ்வப்போது அவர்களின் புகைப்படம் மற்றும் வீடியோக்களை பதிவிடுவார். அந்தவகையில் தற்போது தனது அன்பு மகளுடன் ரசிகர்களிடம் லைவ் சாட் செய்த வீடியோ ஒன்றை பதிவிட்டுள்ளார். ரசிகர்களிடன் பேசிக்கொண்டிருக்கும் போது நைரா நழுவி சென்றதால் வீடியோ கால் பாதியிலேயே கட் செய்துவிட்டார் சமீரா.
