சசிகுமார் நடித்த ‘ராஜவம்சம்’ என்ற திரைப்படம் சமீபத்தில் சென்சார் செய்யப்பட்டது என்பதும் சென்சார் அதிகாரிகள் இந்த படத்திற்கு யு சான்றிதழ் அளித்தனர் என்பது குறிப்பிடத்தக்கது. இந்த நிலையில் சற்று முன் ‘ராஜவம்சம்’ திரைப்படம் மார்ச் 12ஆம் தேதி உலகம் முழுவதும் திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது இதனை அடுத்து இந்த படம் ஓடிடியில் வெளியாகும் என்ற வதந்திக்கு முற்று புள்ளி வைத்தாகி விட்டது என்பது குறிப்பிடத்தக்கது.
கூட்டுக்குடும்பத்தைக் கதைக்களனாகக் கொண்டு உருவாக்கப்பட்டுள்ள இந்த படத்தின் ப்ரமோஷன் பணிகளை வித்தியாசமாக மேற்கொள்ள படக்குழு முடிவு செய்துள்ளது. அதன்படி ரசிகர்கள் தங்கள் கூட்டுக்குடும்ப புகைப்படங்களை படக்குழுவினருக்கு அனுப்பினால் அதில் தேர்வாகும் குடும்பம் சசிகுமாரோடு ஒரு நாள் உணவு உண்ணலாம் என அறிவித்துள்ளது.
