ஒட்டு மொத்த தமிழ் சினிமாவும் உற்று நோக்கிக் கொண்டிருக்கும் ஒரு படம் லியோ. லோகேஷ் கனகராஜ் இயக்கத்தில் விஜய் நடிக்கும் இந்த படத்தில் சஞ்சய் தத், அர்ஜுன், மிஷ்கின், த்ரிஷா, ப்ரியா ஆனந்த் என பலர் நடித்துள்ளனர். அனிருத் இசையமைத்துள்ளார்.
இந்த படத்தின் ஆடியோ வெளியீட்டு விழா செப்டம்பர் 30ம் தேதி சென்னையில் உள்ள நேரு உள் விளையாட்டு அரங்கில் நடப்பதாக தகவல்கள் வெளியானதுடன், அதற்கான ஷெட் ஏற்பாடுகள் குறித்த வீடியோவும் வெளியானது. இந்நிலையில்தான் நேற்று திடீரென பட தயாரிப்பு நிறுவனமான செவன் க்ரீன் ஸ்டுடியோஸ் லியோ ஆடியோ வெளியீடு நிகழ்ச்சி ரத்து செய்யப்படுவதாக அறிவித்துள்ளது.
