மாஸ்டர் ஆடியோ வெளியீட்டு விழாவில் பேசிய நடிகர் விஜய் சேதுபதி ”கடவுளை யாரும் காப்பாற்ற தேவையில்லை. கடவுளை காப்பாற்றுவதாய் சொல்லிக் கொள்பவர்களை நம்ப வேண்டாம். கொரோனாவை விட இங்கு வேறு சில விஷயங்கள் அச்சுறுத்தலாய் இருக்கிறது. மனிதனுக்கு மனிதன்தான் உதவ வேண்டும். கடவுள் மேலே இருப்பவர் அவருக்கு உதவி தேவையில்லை” என்று பேசியிருந்தார்.
இதனால் விஜய் சேதுபதியின் கருத்துக்கு காயத்ரி ரகுராம் கண்டனம் தெரிவித்துள்ளதாக சமூக வலைதளங்களில் செய்தி பரவியது. தான் கண்டனம் எதுவும் தெரிவிக்கவில்லை என ட்விட்டரில் விளக்கமளித்த காயத்ரி ரகுராம் ”விஜய் சேதுபதி கருத்தை நான் கண்டிக்கவில்லை. அவருக்கு சுதந்திரமாக பேச உரிமையுள்ளது. அதுபோல எனது கருத்தை பேசவும் எனக்கு உரிமையுள்ளது. அவரது கருத்தில் நான் உடன்படவில்லை என்பதைதான் தெரிவித்திருந்தேன். மதச்சார்பின்மைக்கு ஏற்ப நாத்திகர்கள் அவர் பேச்சை விரும்புவார்கள்” என கூறியுள்ளார்.
