லியோ படத்தை அடுத்து விஜய், வெங்கட் பிரபு இயக்கத்தில் ’தளபதி 68’ படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார்.
இந்த படத்தில் ஏகப்பட்ட நட்சத்திரங்கள் நடித்து வரும் நிலையில் லவ் டுடே புகழ் இவானாவும் ஒரு முக்கியக் கதாபாத்திரத்தில் நடிக்க உள்ளதாக தகவல்கள் பரவியது. ஆனால் இப்போது அவர் இந்த படத்தில் நடிக்கவில்லை என சொல்லப்படுகிறது. ஏனென்றால் குறிப்பிட்ட அந்த கதாபாத்திரம் ஒரு பள்ளி மாணவி வேடம் என்பதால் இவானாவை வேண்டாம் என இயக்குனர் முடிவு செய்துள்ளதாக சொல்லப்படுகிறது.
