சமீபத்தில் தேசிய விருதுகள் அறிவிக்கப்பட்ட நிலையில் ஜெய்பீம் படத்திற்கு விருது அளிக்காதது விவாதத்தை ஏற்படுத்தியுள்ளது. இதில் தமிழ் சினிமா ரசிகர்கள் பெரிதும் எதிர்பார்த்த கர்ணன், ஜெய்பீம் உள்ளிட்ட படங்கள் எந்த விருதும் பெறவில்லை. இதனால் தேசிய விருது மீது பல்வேறு விவாதங்கள் கிளம்பியது. ஜெய்பீம் படத்திற்கு விருது கிடைக்காதது குறித்து தெலுங்கு நடிகர் நானி தனது இன்ஸ்டாகிராமில் வருத்தம் தெரிவிக்கும் வகையில் ஸ்டோரி வைத்துள்ளார்.
இந்நிலையில் இதுபற்றி பேசியுள்ள மற்றொரு தெலுங்கு நடிகர் ராணா “எல்லோருக்குமே தங்கள் கருத்தை சொல்ல உரிமையுண்டு. பலரும் ஜெய்பீம் திரைப்படம் விருது வெல்லும் என நினைத்தார்கள். ஆனால் கிடைக்கவில்லை. ஆனால் மற்றவர்களுக்கு கொடுக்கப்பட்ட விருதுகள் மீதான விமர்சனம் அல்ல. அதனால் நானியின் ட்வீட்டில் எந்த சர்ச்சையும் இல்லை. அது வெறும் ட்வீட் மட்டுமே” எனக் கூறியுள்ளார்.
