மலையாள இலக்கியத்தில் பெரும் கவனத்தை ஈர்த்த படைப்பு பென் யாமின் எழுதிய ‘ஆடு ஜீவிதம்’ நாவல். இந்த நாவல் தமிழுலும் மொழி பெயர்க்கப்பட்டு மிகப்பெரிய வெற்றியைப் பெற்றது. இந்த படத்தில் பிருத்விராஜ், அமலா பால் ஆகியோர் நடிக்க ஏ ஆர் ரஹ்மான் இசையமைக்க ப்ளஸ்ஸி இயக்கியுள்ளார். 8 ஆண்டுகளுக்கும் மேலாக உருவாக்கத்தில் இருந்த இந்த திரைப்படம் மார்ச் 28 ஆம் தேதி ரிலீஸ் ஆனது.
இந்த படம் ரிலீஸாகி கலவையான விமர்சனங்களைப் பெற்றாலும், மலையாள சினிமாவில் 100 கோடி ரூபாயை விரைவாக வசூல் செய்த படம் என்ற சாதனையை நிகழ்த்தியுள்ளது. இதையடுத்து இப்போது 150 கோடி ரூபாய் வசூலை ஒட்டுமொத்தமாக ஈட்டியுள்ளதாக சொல்லப்படுகிறது. இந்நிலையில் இந்த படத்தின் ஓடிடி ரிலீஸ் மே மாதம் 10 ஆம் தேதி எனத் தகவல்கள் வெளியாகியுள்ளன. மே 10 முதல் டிஸ்னி ப்ளஸ் ஹாட்ஸ்டாரில் ஸ்ட்ரீம் ஆகும் என சொல்லப்படுகிறது.
