இந்தியா மற்றும் ஆஸ்திரேலிய அணிகளுக்கு இடையிலான முதல் டெஸ்ட் போட்டி அடிலெய்டில் பகலிரவு போட்டியாக நடந்து வருகிறது. இதில் முதல்நாளில் பேட் செய்த இந்திய அணி 233 ரன்களுக்கு 6 விக்கெட்களை இழந்து இருந்தது. இன்று பேட்டிங்கைத் தொடங்கிய இந்தியா மேலும் 11 ரன்கள் மட்டுமே சேர்த்து அனைத்து விக்கெட்களையும் இழந்தது. ஆஸ்திரேலிய தரப்பில் ஸ்டார்க் 4 விக்கெட்டுகளையும் கம்மின்ஸ் 3 விக்கெட்டுகளையும் வீழ்த்தினர்.
இதையடுத்து பேட்டிங்கை தொடங்கிய ஆஸி அணியின் தொடக்க ஆட்டக்காரர்கள் இந்தியாவை விட பொறுமையாக விளையாடினர். ரன் எடுக்கும் எண்ணமே இல்லாமல் பேட்டில் தெரியாமல் பட்டு ஓடிய பந்துகளுக்கு மட்டுமே ரன்கள் எடுத்த நிலையில் 14 ஓவர்களில் 16 ரன்களே எடுத்தனர். 15 ஆவது ஓவரை வீசிய பூம்ரா தொடக்க ஆட்டக்காரர் மேத்யு வேட்டை எல்பிடபுள்யு முறையில் ஆட்டமிழக்கச் செயதார். வேட் 51 பந்துகளில் வெறும் 8 ரன்களே சேர்த்தார். இப்போது களத்தில் லபுஷனே மற்றும் ஜோ பர்ன்ஸ் ஆகியோர் முறையே 4 மற்றும் 7 ரன்களுடன் களத்தில் உள்ளனர்.
