இதுகுறித்து உடனடியாக அறிவிப்பு வெளியிட்ட நடிகர் விஜய் தனது அப்பாவின் கட்சிக்கும் தனக்கும் தொடர்பு இல்லையென்றும், தனது ரசிகர்கள் அதில் இணைய வேண்டாம் என்றும் தெரிவித்திருந்தார். இந்நிலையில் தனது விஜய் மக்கள் நற்பணி இயக்கத்தில் மாவட்ட பதவிகள், உயர்பதவிகளில் உள்ள சிலர் எஸ்.ஏ.சிக்கு ஆதரவாக செயல்படுவதாகவும், விஜய் ரசிகர்களை கட்சியில் இணைக்க ரகசியமாக செயல்படுவதாகவும் கூறப்படுகிறது.
இந்நிலையில் சமீபத்தில் தனது நற்பணி மன்ற நிர்வாகிகளில் தனக்கு மிகவும் விசுவாசமான 50 நபர்களிடம் ஆலோசனை மேற்கொண்ட நடிகர் விஜய் புதிய மாவட்ட நிர்வாகிகளை நியமிக்கும் பணியில் இறங்கியுள்ளார். மேலும் எஸ்.ஏ.சிக்கு ஆதரவாக செயல்படும் ஸ்லீப்பர்செல் நபர்களை கண்டறிந்து நடவடிக்கை எடுக்கவும் தகவல்கள் சேகரித்து வருவதாக வெளியாகியுள்ள தகவல்கள் பரபரப்பை ஏற்படுத்தியுள்ளது.
