அவரை எதிர்த்து அதிமுகவிலிருந்து சந்திரஹாசனும், பாஜகவிலிருந்து கார்த்தியாயினியும் போட்டியிடுகிறார்கள். இந்நிலையில் சமீபத்தில் பாஜக தலைவர் அண்ணாமலை வேட்பாளர் கார்த்தியாயினிக்கு ஆதரவாக சிதம்பரத்தில் பிரச்சாரம் மேற்கொண்டார்.
இந்நிலையில் இதற்கு பதில் அளித்துள்ள தொல்.திருமாவளவன் “தேர்தலில் எப்படியாவது வெற்றிபெற்று விட வேண்டும் என்ற நிலையில் அண்ணாமலை வாய்க்கு வந்ததை எல்லாம் பேசிக் கொண்டிருக்கிறார். நான் சிதம்பரம் தொகுதி எம்.பியாக என்னென்ன செய்திருக்கிறேன் என்பது மக்களுக்கு தெரியும். அதை மக்கள் தேர்தலில் ஓட்டுகளாக நிரூபித்து காட்டுவார்கள். வடமாநில மக்களை முட்டாளாக்குவது போல தமிழ்நாட்டு மக்களை முட்டாள்களாக்கி விடலாம் என பாஜக கனவு கண்டால் அது நடக்காது” என்று கூறியுள்ளார்.
