இந்த நிலையில் ஜாமின் கோரி சஞ்சய் சிங் தாக்கல் செய்த மனு உச்சநீதிமன்றத்தில் விசாரணைக்கு வந்தது. சஞ்சய் சிங் மீதான குற்றச்சாட்டு இதுவரை நிரூபணமாகவில்லை என்றும், குற்றச்சாட்டிற்கான ஆவணங்களை அமலாக்கத்துறை இதுவரை தாக்கல் செய்யவில்லை என அவரது தரப்பில் ஆஜரான வழக்கறிஞர் எடுத்துரைத்தார்.
சட்டவிரோத பணப்பரிமாற்ற வழக்கில் யாரை வேண்டுமானாலும் கைது செய்யலாம் என்றாலும், அதற்கான ஆதாரங்கள் இருக்க வேண்டும் என்பதை உச்சநீதிமன்றம் திட்டவட்டமாக தெரிவித்தது. போதிய ஆவணங்கள் இந்த வழக்கில் சமர்ப்பிக்கப்படவில்லை என்ற கண்டனத்தையும் நீதிபதிகள் தெரிவித்தனர்.
