ராஜஸ்தானில் ஆளும் காங்கிரஸ் கட்சியின் முதல்வர் அசோக் கெலாட்டுக்கும், துணை முதல்வர் சச்சின் பைலட்டிற்கும் ஏற்பட்ட முரண்பாட்டால் பரபரப்பு எழுந்தது. இதனால் சச்சின் பைலட்டின் துணை முதல்வர் மற்றும் மாநில காங்கிரஸ் தலைவர் பதவிகள் பறிக்கப்பட்டன. இந்நிலையில் சச்சின் பைலர் மற்றும் ஆதரவு எம்.எல்.ஏக்களுக்கு தகுதி நீக்க நோட்டீஸ் அனுப்பப்பட்டுள்ளது. இந்த வழக்கில் தகுதி நீக்க நடவடிக்கை எடுக்க ராஜஸ்தான் உயர்நீதிமன்றம் இடைக்கால தடை விதித்துள்ளது.
இதுகுறித்து பேசியுள்ள அவர் “சட்டசபை கூட்டத்தொடர் அறிவிக்கப்பட்ட உடனே எம்.எல்.ஏக்கள் மீதான குதிரை வர்க்க பேரத்தையும் சிலர் தொடங்கியுள்ளனர். முன்னதாக 10 முதல் 15 கோடி வரை விலை நிர்ணயித்து குதிரை பேரம் செய்து வந்தவர்கள், தற்போது வரம்பற்ற விலைகளை கொடுக்க தயாராக உள்ளனர். யார் இதை செய்கிறார்கள் என அனைவருக்கும் தெரியும்” என அசோக் கெலாட் கூறியுள்ளார்.
