தமிழகத்தில் மக்களவை தேர்தல் அடுத்த மாதம் 19 ஆம் தேதி ஒரே கட்டமாக நடைபெறும் என தேர்தல் ஆணையம் அறிவித்துள்ளது. தேர்தல் தேதிகள் அறிவிக்கப்பட்ட நிலையில், தேர்தல் நடத்தை விதிமுறைகள் உடனடியாக நடைமுறைக்கு வந்தது.
இந்நிலையில் மகளிர் தினத்தை முன்னிட்டு 300 பெண்களுக்கு இலவச எம்பிராய்டிங் பயிற்சி வழங்க டோக்கன் வழங்கியதாக தேமுதிக பொதுச் செயலாளர் பிரேமலதா மீது புகார் எழுந்துள்ளது. தேர்தல் நடத்தை விதிமுறைகளை மீறி நடந்து கொண்டதாக சி.எம்.பி.டி காவல் நிலையத்தில் தேர்தல் அதிகாரி புகார் அளித்துள்ளதாகவும், பிரேமலதா மீது வழக்குப்பதிவு செய்யப்பட்டுள்ளதாகவும் தகவல் வெளியாகி உள்ளது.
