இந்நிலையில் கூகுள் அசிஸ்டெண்ட் வசதியைப் பயன்படுத்தும் பயனாளர்களின் தகவல்கள், உரையாடல்கள், ஸ்மார்ட்போன்கள் மூலமாகவும், கூகுள் ஹோம் மற்றும் ஸ்மாட் ஸ்பீக்கர் மூலமாக திருடப்படுவதாகத் தகவல்கள் வெளியாகின்றன.
இதில் முக்கியமாக பயனாளர்கள் ஸ்மார்ட் ஹோம் சாதனங்களைப் பயன்படுத்த தங்கள் வாய்ஸ் சேவையை உபயோகிப்பதால், பயனாளர்களின் குரல் பதிவு மூலம் கேட்கும் அனைத்து கேள்விகள் மற்றும் அதற்கான பதில்களை கூகுள் சேமித்து வைத்துக்கொள்ளும். அதன்மூலம் அவர்களின் அந்தரங்கத் தகவல்கள் அசிஸ்டெண்ட் சேவை நிறுவனத்துடன் ஒப்பந்தம் வைத்துள்ள ஒப்பந்ததாரர்களால் திருடப்படுவதாகவும் கூறப்பட்டன. இந்நிலையில் தற்போது இந்த குற்றச்சாட்டை கூகுள் நிறுவனம் ஒப்புக்கொண்டுள்ளது.மேலும் இதுகுறித்து நடவடிக்கை எடுக்கப்படுவதாகவும் கூகுள் தரப்பில் கூறப்பட்டுள்ளது.
