குஜராத் டைட்டன்ஸ் அணிக்குக் கேப்டனாக இருந்து வெற்றிகரமாக ஒரு கோப்பையையும் ஒருமுறை இரண்டாம் இடத்துக்கும் அணியை வழிநடத்திச் சென்றார் ஹர்திக் பாண்ட்யா. ஆனால் அவர் திடீரென மும்பை இந்தியன்ஸ் அணியால் வாங்கப்பட்டு அந்த அணிக்கு கேப்டனாக்கப் பட்டார். இந்த முடிவு மும்பை இந்தியன்ஸ் அணி ரசிகர்களுக்கே பிடிக்கவில்லை.
அன்று முதல் ஹர்திக் பாண்ட்யாவுக்கு எதிராக சமூகவலைதளங்களில் கருத்துகளைப் பரப்பி வருகின்றனர். ஐபிஎல் தொடர் தொடங்கி முதல் இரண்டு போட்டிகளில் மும்பை இந்தியன்ஸ் விளையாடி இரண்டையுமே தோற்றுள்ளது. இதனால் அவர் மீதான விமர்சனங்கள் அதிகரித்துள்ளன. அதுமட்டுமில்லாமல் மும்பை இந்தியன்ஸ் ரசிகர்களே அவர் மைதானத்தில் இருக்கும்போதோ, பேட் செய்யும் போதோ அவரை வெறுப்பேத்தும் கோஷங்களை எழுப்பி வருகின்றனர்.
இந்த போட்டியில் மும்பை இந்தியன்ஸ் அணி தோற்றுவிட்ட நிலையில் இரண்டாவது இன்னிங்ஸில் மும்பை ஃபீல்ட் செய்த போது ஹர்திக்குக்கு எதிராக ரசிகர்கள் கோஷம் எழுப்பினர். ஒரு கட்டத்தில் இதைப் பொறுக்காத ரோஹித் ஷர்மா ரசிகர்களை அமைதியாக இருக்கும்படி சைகை செய்தார். இதன் மூலம் முதல் முறையாக தன்னுடைய ஆதரவை ரோஹித் ஷர்மா, ஹர்திக் பாண்ட்யாவுக்கு தெரிவித்துள்ளார்.
