டெல்லியைச் சேர்ந்த இடதுகை பேட்ஸ்மேனான கம்பீர் தந்து மிகச்சிறிய உருவத்தால் பெரிய ஷாட்களை அடிக்க இயலாது என்ற காரணத்தால் அணித்தேர்வில் இருந்து தொடர்ந்து ஒதுக்கப்பட்டார்.தொடர்ந்து உள்ளூர் கிரிக்கெட்டில் சிறப்பாக விளையாடிய கம்பீர் கவுதம் கம்பீர் இந்திய அணிக்காக கடந்த 2003-ம் ஆண்டு ஏப்ரல்11-ம் தேதி டாக்காவில் நடந்த வங்கதேசத்துக்கு எதிரான ஒருநாள் போட்டியில் அறிமுகமானார். இடதுகைத் தொடக்க ஆட்டக்காரான கம்பீருக்கு சச்சிn சேவாக் இணைக் காரணமாக தொடர்ந்து அணியில் இடம் கிடைக்கவில்லை.
கம்பீரைப் பொறுத்தவரை அவரை அதிகம் வெளியில் தெரியாத உலகக்கோப்பை நாயகன் எனலாம். இந்திய அணி 2007-ல் வெற்றி பெற்ற டி 20 உலகக்கோப்பையிலும் 2011-ல் வெற்றி பெற்ற 50 ஓவர் உலகக்கோப்பைப் போட்டியிலும் இறுதிப்போட்டிகளில் அதிக ரன்கள் சேர்த்த வீரராவர். ஆனால் 2 போட்டிகளிலுமே ஆட்டநாயகனாக தேர்வாகாதது அவரது துரச்திர்ஷ்டம்.
இதுவரை இந்திய அணிக்காக 58 டெஸ்ட் போட்டிகளில் விளையாடியுள்ள கம்பீர் 4,154 ரன்கள் சேர்த்துள்ளார். இதில் 9 சதங்கள், 22 அரை சதங்கள் அடங்கும். 147 ஒருநாள் போட்டிகளில் விளையாடியுள்ள கம்பீர் 5,238 ரன்கள் குவித்துள்ளார். இதில் 11 சதங்களும், 34 அரை சதங்களும் அடங்கும்.. 37 இருபது ஓவர் போட்டிகளில் விளையாடி 932 ரன்கள் சேர்த்துள்ளார். இதில் 7 அரை சதங்கள் அடங்கும்.
