இங்கிலாந்து உள்ளிட்ட பல்வேறு ஐரோப்பிய நாடுகளில் பெண்களுக்கு பள்ளி சீருடையாக சட்டையும், மினி ஸ்கர்ட்டும் உள்ளது. இந்நிலையில் சமீபத்தில் இங்கிலாந்தை சேர்ந்த மாணவிகள் பலர் தாங்கள் பள்ளி சீருடை அணியும்போது பாலியல்ரீதியான சீண்டலுக்கு உள்ளாவதாக புகார் தெரிவித்துள்ளனர்.
சாதாரண உடையில் செல்லும்போது வரும் பாலியல் கிண்டல்கள், சீண்டல்களை விட பள்ளி சீருடையில் இருக்கும்போது அதிகமானவற்றை எதிர்கொள்வதாக கூறியுள்ளனர். மேலும் அதற்கு காரணம் ஆபாச படங்களில் நடிகைகள் பள்ளி சீருடையில் வருவதுதான் என அவர்கள் குற்றம் சாட்டியுள்ளனர்.
எனவே ஆபாச படங்களில் பெண்கள் பள்ளி சீருடை அணிந்து வருவது போன்ற காட்சிகளுக்கு தடை செய்ய வேண்டும். பாலியல் பொருட்கள் விற்கும் கடைகளில் சீருடை விற்பனை செய்வதை தடை செய்ய வேண்டும் உள்ளிட்ட பல கோரிக்கைகளை வலியுறுத்தி 13,400 மாணவிகள் கையெழுத்திட்ட மனு ஒன்றை அரசுக்கு அனுப்பி வைத்துள்ளனர்.
