கமல்ஹாசன் நடித்த எல்லாம் இன்பமயம், கல்யாணராமன், மீண்டும் கோகிலா உள்பட பல திரைப்படங்களை இயக்கிய இயக்குனர் ஜிஎன் ரங்கராஜன் அவர்கள் இன்று காலமானார் என்ற செய்தியை ஏற்கனவே பார்த்தோம். இந்த நிலையில் கமல்ஹாசன் இதுகுறித்து வெளியிட்டுள்ள இரங்கல் அறிக்கையில் கூறியிருப்பதாவது:
கல்யாணராமன், மீண்டும் கோலா, கடல் மீன்கள், எல்லாம் இன்பமயம், மகாராசன் என என்னை வைத்து பல வெற்றிப் படங்களைத் தந்தவர். என் மீது கொண்ட மாறாத அன்பால், தான் கட்டிய வீட்டிற்கு 'கமல் இல்லம் என்று பெயர் வைத்தார். இன்று அந்த வீட்டிற்கு சற்றேறக்குறைய 30 வயதாவட்ஜி இருக்கக் கூடும்.
நிபந்தனையற்ற தூய பேரன்பினைப் பொழிந்த ஓர் அண்ணனை இழந்துவிட்டேன். அண்ணி ஜக்குபாய்க்கும், தம்பி இயக்குனர் ஜி.என்.ஆர். குமரவேலனுக்கும் குடும்பத்தார்க்கும் என் ஆழ்ந்த இரங்கலைத் தெரிவித்துக்கொள்கிறேன்.
