தரணி இயக்கத்தில் விஜய், த்ரிஷா, பிரகாஷ்ராஜ் உள்ளிட்டோர் நடித்து 2004ல் வெளியான படம் கில்லி. தெலுங்கில் மகேஷ்பாபு நடிப்பில் வெளியான ஒக்கடு படத்தின் ரீமேக்கான இந்த படம் ஒக்கடுவை விட அதிகமாக வசூல் செய்து 200 நாட்களுக்கும் மேல் ஓடி சாதனை படைத்தது.
இந்நிலையில் நேற்று ஒரே நாளில் கில்லி தமிழ்நாடு முழுவதும் ரூ.10 கோடி வசூல் செய்து வசூல் சாதனை படைத்துள்ளது. இதுவரை ரீரிலீஸ் ஆன படங்களிலேயே முதல் நாளில் அதிக வசூல் செய்த படமாக சாதனை படைத்துள்ளது கில்லி. மேலும் இந்த ஆண்டு வெளியான தமிழ்படங்களில் முதல் நாள் வசூலில் ரூ10 கோடியை தொட்ட இரண்டாவது படமாகவும் கில்லி உள்ளது. 20 ஆண்டுகள் கழித்து வெளியாகியும் வசூலில் சொல்லியடிக்கும் கில்லி ரசிகர்களை ஆச்சர்யத்தில் ஆழ்த்தியுள்ளது.
