''ஜென்டில்மேன்- 2'' படத்திற்கு பாடல் எழுதும் பிரபல கவிஞர்

கடந்த 1993ல் வெளியான திரைப்படம் ஜென்டில்மேன். இயக்குனர் ஷங்கர் இயக்கத்தில் ஆக்‌ஷன் கிங் அர்ஜுன்  நடிப்பில் வெளியான இப்படம்  சூப்பர் ஹிட் ஆனது. 

இப்படத்தை அப்போதைய காலத்தில் அதிக பட்ஜெட்டில் பிரம்மாண்டமாக தயாரித்தவர்  தயாரிப்பாளர் கே டி குஞ்சுமோன்.

தற்போது, அவர் நீண்டகாலத்திற்கு பின் மீண்டும் சினிமா தயாரிப்பில் இறங்கியுள்ளார்.
சமீபத்தில்,  ஜென்டில்மேன் படத்தின் இரண்டாம் பாகத்தை தயாரிக்க இருப்பதாக கே.டி.குஞ்சுமோன் தெரிவித்த   நிலையில், இதற்காக  “ஜெண்டில்மேன் ஃபிலிம் இண்டர்நேஷனல்” என்ற தயாரிப்பு நிறுவனத்தை தொடங்கினார்.

இந்த படத்தை  கோகுல் பிரசாத்  இயக்கவுள்ளார். ஆஸ்கர் விருது வென்ற மரகதமணி நாயகியாக இசையமைக்கவுள்ளார். தெலுங்கு சினிமாவின் இளம் நடிகர் சேத்தன் சீனுதான் ஹீரோவாக நடிக்க,  நயன்தாரா சக்ரவர்த்தி ஹீரோயினாக நடிக்கவுள்ளார்.

 இப்படத்தின் ஒளிப்பதிவாளராக அஜயன் வின்செண்ட், கலை இயக்குனராக தேசிய விருது பெற்ற கலை இயக்குனர் தோட்டா தரணி ஒப்பந்தம் செய்யப்பட்டனர்.

இந்த நிலையில், இப்படத்தின் புதிய அப்டேட் இன்று வெளியாகியுள்ளது. அதன்படி, ஜென் டில்மேன் படத்திற்கு ஏ.ஆர்.ரஹ்மான் இசையில் பாடல் எழுதிய வைரமுத்து இப்பட்த்திற்கும் பாடல் எழுதுகிறார்.

இதுகுறித்து கவிஞர் வைரமுத்து தன் டுவிட்டர் பக்கத்தில் பதிவிட்டுள்ளதாவது:

’’கொச்சியில் இருக்கிறேன்
ஜென்டில்மேன் 2
படத்திற்குப் பாட்டெழுதுகிறேன்

ஆஸ்கர் விருதுக்குப் பிறகு
கீரவாணி(மரகதமணி)
இசையமைக்கும்
முதல் தமிழ்ப்படம்

அதிகாலைப் பறவைகளாய்ப்
பாடிக்கொண்டிருக்கிறோம்
கோகுல் கிருஷ்ணா இயக்குகிறார்

குஞ்சுமோன் படத்துக்குக்
குறையிருக்குமா பாட்டுக்கு?
விரைவில்
அர்ப்பணிக்கிறோம் நாட்டுக்கு’’ என்று தெரிவித்துள்ளார்.

கொச்சியில் இருக்கிறேன்
ஜென்டில்மேன் 2
படத்திற்குப் பாட்டெழுதுகிறேன்

ஆஸ்கர் விருதுக்குப் பிறகு
கீரவாணி(மரகதமணி)
இசையமைக்கும்
முதல் தமிழ்ப்படம்

அதிகாலைப் பறவைகளாய்ப்
பாடிக்கொண்டிருக்கிறோம்
கோகுல் கிருஷ்ணா இயக்குகிறார்

குஞ்சுமோன் படத்துக்குக்
குறையிருக்குமா பாட்டுக்கு?
விரைவில்… pic.twitter.com/KavJx0SljL

— வைரமுத்து (@Vairamuthu) July 18, 2023