இப்படத்தின் தொலைக்காட்சி உரிமையைக் வாங்கி உள்ள சன் தொலைக்காட்சி நிறுவனம், வரும் தீபாவளி (நவம்பர் 6) அன்று மாலை 6:30 மணிக்கு ‘96’ ஒளிபரப்பப்படும் என்று நேற்று விளம்பரப்படுத்தியது. இதனால் ரசிகர்கள் சந்தோஷத்தில் கொண்டாடி மகிழ்ந்து வருகிறார்கள். ஆனால் படக்குழுவினரோ அதிர்ச்சியில் இருக்கிறார்கள்.
படம் வெளியாகி இது எங்களுக்கு 5வது வாரம். இன்னும் அனைத்து திரையரங்குகளிலும் 80 சதவீதம் நிரம்புகிறது. இவ்வளவு சீக்கிரம் 96 படத்தை தொலைக்காட்சியில் திரையிடுவது நியாயமல்ல என்று நாங்கள் நினைக்கிறோம். தயவு செய்து இதை பொங்கலுக்கு தள்ளி வையுங்கள் என்பது எங்கள் கோரிக்கை. அவ்வாறு செய்தால் நன்றியுடன் இருப்பேன் என்று த்ரிஷா கூறியுள்ளார்.
