இதுகுறித்து அவர் வெளியிட்டுள்ள அறிக்கையில் “நான்கு வருடங்கள் முன்னதாக சக பெண் ஊழியருக்கு குறுஞ்செய்தி அனுப்பினேன். ஆனால் அது என்னுடைய தனிப்பட்ட விவகாரம். ஆனால் தற்போது அந்த குறுஞ்செய்தி பொதுவெளியில் பகிரப்பட உள்ளதாக அறிந்தேன். இதனால் கேப்டன் பதவியிலிருந்து விலகுவது சரியான முடிவாக இருக்கும் என நம்புகிறேன்” என தெரிவித்திருந்தார்.
இந்நிலையில் இந்த சர்ச்சையில் இப்போது மேலும் ஒரு அதிர்ச்சி சம்பவம் நடந்துள்ளது தெரியவந்துள்ளது. டிம் பெய்னின் தங்கை கணவரும் டாஸ்மானியா அணியின் பயிற்சியாளருமான ஷனான் டப் என்பவரும் சம்மந்தப்பட்ட பெண்ணுக்கு பாலியல் தொல்லைக் கொடுத்துள்ளது தெரியவந்துள்ளது. இதனால் அவரை டாஸ்மானியா அணி நிர்வாகம் நீக்கியுள்ளது. அடுத்தடுத்து பாலியல் குற்றச்சாட்டு சம்பவங்கள் வெளியாவது ஆஸ்திரேலிய கிரிக்கெட்டை பெரிதும் பாதித்துள்ளது.
