கடைசி வாய்ப்பை கோட்டைவிட்ட ஐதராபாத்.. குஜராத்திடம் கேவலமாக தோல்வி..!

நேற்று நடைபெற்ற குஜராத் மற்றும் ஐதராபாத் அணிகளுக்கு இடையிலான ஐபிஎல் போட்டியில் ஹைதராபாத் அணி 34 ரன்கள் வித்தியாசத்தில் கேவலமாக தோல்வி அடைந்தது.

முதலில் பேட்டிங் செய்த குஜராத் அணி 9 விக்கெட் இழப்பிற்கு 188 ரன்கள் அடித்தது. அந்த அணியின் சுப்மன் கில் அபாரமாக விளையாடி சதம் அடித்தார். இதனை அடுத்து 189 என்ற இலக்கை நோக்கி விளையாடிய ஹைதராபாத் அணி ஆரம்பத்தில் இருந்தே தடுமாறி வந்தது.

முதல் மூன்று ஓவர்களில் மூன்று விக்கெட்டுக்களை இழந்த அந்த அணி அதன் பின் ஒரு கட்டத்தில் 59 ரகளுக்கு ஏழு விக்கெட்டுகளை இழந்து தத்தளித்தது. கிளாசன் மட்டும் ஓரளவுக்கு நிலைத்து விளையாடி 64 ரன்கள் அடித்தார். இறுதியில் 20 ஓவர்களில் 9 விக்கெட்டுக்கள் இழப்பிற்கு 154 ரன்கள் மட்டுமே ஹைதராபாத் எடுத்ததால் தோல்வி அடைந்தது.

நேற்றைய தோல்வி மூலம் ஹைதராபாத் தொடரில் இருந்து வெளியேறி உள்ளது என்பது குறிப்பிடத்தக்கது. அதேபோல் நேற்றைய வெற்றியின் மூலம் குஜராத் அணி 18 புள்ளிகளுடன் பிளே ஆஃப் சுற்றுக்கு தகுதி பெற்றுள்ளது என்பது குறிப்பிடத்தக்கது

Edited by Siva