சசிகலா புஷ்பா, திருச்சி சிவாவை டெல்லி விமான நிலையத்தில் கன்னத்தில் அறைந்த விவகாரம் அரசியல் அரங்கில் பெரும் பரபரப்பை ஏற்படுத்தியது. இந்நிலையில் இந்த விவகாரம் குறித்து மாநிலங்களவையில் பேசிய சசிகலா புஷ்பா அதிமுக பொதுச்செயலாளர் ஜெயலலிதா மீது பரபரப்பு புகார்களை கூறியுள்ளார்.
இன்று மாநிலங்களவையில் பேசிய சசிகலா புஷ்பா, கட்சி தலைவரால் நான் துன்புறுத்தப்பட்டேன் எனவும், அவர் என்னை கன்னத்தில் அறைந்தார் எனவும் பரபரப்பு புகார் கூறியுள்ளார். மேலும், எம்.பி. பதவி கொடுத்த கட்சி தலைவருக்கு நன்றி கூறினார். கணவர், குழந்தைகளுடன் பேச என்னை அனுமதிக்கவில்லை. என் உயிருக்கு ஆபத்து இருக்கிறது என கண்ணீர் மல்க கூறியவர் பாதுகாப்பு வேண்டி கோரிக்க விடுத்துள்ளார்.
