இந்த வாரம் சென்னை உருவான 580வது வருடத்தின் நினைவாக “சென்னை வாரம்” கொண்டாடப்பட்டு வருகிறது. சென்னை பிரிட்டிஷ் காலத்து மதராஸாக இருந்தபோதே சென்னையின் அடையாளமாக் திகழ்ந்தது கூவம் நதியும், அடையாறும்தான்! அந்த காலத்தில் படகில் போக்குவரத்து செய்து கொண்டிருந்த நதி இப்போது அருகில் சென்றாலே மூக்கை பொத்தி கொள்ளும் அளவுக்கு கழிவு நீராலும், குப்பைகளாலும் சூழ்ந்துள்ளது.
சென்னையில் உள்ள ஆறுகளை பழைய நிலைக்கு மீட்க பல செயல்திட்டங்களை செய்ய வேண்டியுள்ளது. அதற்கு ஆரம்பம் தரும் வகையில் சென்னையில் உள்ள கூவம், பக்கிங்ஹாம் கால்வாய் மற்றும் அடையாறில் கழிவுநீர் கலக்காமல் தடுக்க 2 ஆயிரத்து 371 கோடி ரூபாய் மதிப்பிலான திட்ட பணிகளை செயல்படுத்த உள்ளது தமிழக அரசு.
