தற்போது கட்டுப்பாடுகள் தளர்த்தப்பட்டுள்ள நிலையில் மாதம்தோறும் பௌர்ணமியில் மக்கள் கிரிவலம் சென்று வருகிறார்கள். இந்த மாதத்திற்கான கிரிவலம் 15ம் தேதி நடைபெற உள்ளது. இதற்காக பல மாவட்டங்களில் இருந்தும் மக்கள் வருவார்கள் என்பதால் சென்னை கோயம்பேடு, தாம்பரம், வேலூர், வந்தவாசி, கள்ளக்குறிச்சி, விழுப்புரம், செஞ்சி, ஆரணி, புதுச்சேரி ஆகிய பகுதிகளில் இருந்து 500 சிறப்பு பேருந்துகள் இயக்கபடுவதாக போக்குவரத்து கழகம் அறிவித்துள்ளது.
