சனியன் சசிகலா; ஜெயலலிதாவை கொன்ற மன்னார்குடி மாஃபியா: விக்கிபீடியாவில் நெட்டிசன்கள் அட்டூழியம்!

அதிமுக பொதுச்செயலாளர் சசிகலாவை பற்றி இழிவான வார்த்தைகளை விக்கிபீடியாவில் நேற்று நெட்டிசன்கள் பதிவேற்றி அட்டூழியம் செய்துள்ளனர்.

விக்கிபீடியா என்பது ஒரு விஷயத்தை பற்றி தெரிந்து கொள்வதற்காக இயக்கும் வலைதளம். இதில் யார் வேண்டுமானாலும் ஒரு பக்கத்தை தொடங்கி பதிவேற்ற முடியும். மேலும் அதனை யார் வேண்டுமானாலும் மாற்றம் செய்யமுடியும் போன்ற சுதந்திர தன்மை அதிகமாகவே உள்ளது.

இந்நிலையில் அதிமுக பொதுச்செயலாளர் சசிகலாவை பற்றி மோசமான கருத்துக்களை விக்கிபீடியாவில் யாரோ பதிவேற்றியுள்ளனர். இதனை நேற்று மட்டுமே 50-க்கும் மேற்பட்ட முறை மாற்றம் செய்துள்ளனர்.

அதில், சசிகலா சனியன் எனவும் சசிகலாவின் மன்னார்குடி மாஃபியா கும்பல் தான் ஜெயலலிதாவை கொன்றார்கள் எனவும் மிகவும் கீழ்த்தரமாக இழிவாக எழுதியுள்ளனர். இது தொடர்பான பக்கம் தொடர்ந்து மாற்றம் செய்யப்பட்டு வருகிறது. இந்த விக்கிபீடியா ஸ்கிரீன் ஷாட் இணையத்தில் வைரலாக பரவி வருகிறது.