விரைவில் கட்சி தொடங்க போவதாக சில வருடங்களுக்கு முன்பே அறிவித்த நடிகர் ரஜினிகாந்த், தொடர்ந்து படங்களில் நடித்தப்படியே அரசியல் நுழைவுக்கான பணிகளையும் செய்து வருகிறார். இந்நிலையில் நேற்று தனது மாவட்ட நிர்வாகிகளை அழைத்து ராகேவேந்திரா மண்டபத்தில் ஆலோசனை கூட்டம் நடத்தினார்.
ஆம், ரஜினி முதல்வர் பதவியை ஏற்க போவதில்லை என தெரிவித்துள்ளதாகவும், கட்சியிலிருந்து தகுதியான நபர் ஒருவர் முதல்வர் பதவியை வகிப்பார் என கூறியதாக கூறப்படுகிறது. இதற்கு நிர்வாகிகள் எதிர்ப்பு தெரிவித்ததாகவும் இதனையே ரஜினி தனிப்பட்ட ஏமாற்றம் என தெரிவித்ததாகவும் கூறப்படுகிறது.
ஆனால், 2021 ஆம் ஆண்டு தேர்தலில் வெற்றி பெற்றால் ரஜினிகாந்த் தான் முதலமைச்சர் என்று தூத்துக்குடி மாவட்டச் செயலாளர் ஜோசப் ஸ்டாலின் கூறியுள்ளார். இவர மட்டுமின்றி பல மாவட்டச் செயலாளர்கள் ரஜினி முதல்வராவதையே விரும்புவதாகவும் தெரிகிறது.
