தமிழ்நாடு கவர்னர் ஆர்.என்.ரவி பல்வேறு நிகழ்ச்சிகளில் கலந்து கொள்ளும்போது இந்து மத ரீதியாகவும், தமிழக அரசியலை மறைமுகமாக விமர்சிக்கும் விதமாகவும் பேசி வருவது திமுக மற்றும் தோழமைக் கட்சிகளின் கண்டனத்திற்கு உள்ளாகி வருகிறது.
மேலும் திராவிட இயக்கத்தால் ‘தமிழ்நாடு’ என்று சூட்டப்பட்ட பெயரே சரியான பெயர் என திராவிட ஆதரவாளர்கள் கருத்துகளை தெரிவித்து வருகின்றனர். இந்நிலையில் ஆளுநர் ஆர்.என்.ரவியின் கருத்துக்கு எதிர்ப்பு தெரிவித்து திமுக எம்.பி செந்தில்குமார், அமைச்சர் சக்கரபாணி, ராயபுரம் எம்.எல்.ஏ மூர்த்தி, எம்.எல்.ஏ திருப்பூர் செல்வராஜ் உள்ளிட்ட திமுக அரசியல் பிரமுகர்கள் மற்றும் தொண்டர்கள் #தமிழ்நாடு என்ற ஹேஷ்டேகை ட்விட்டரில் ட்ரெண்ட் செய்து வருகின்றனர்.
