சென்னை உள்பட தமிழகம் முழுவதும் கடந்த 21 ஆம் தேதி குழந்தைகளுக்கு போலியோ தடுப்பு சொட்டு மருந்து கொடுக்கப்பட்டது. அப்போது, போலியோ சொட்டு மருந்து கொடுக்கப்பட்ட குழந்தைகள் இறந்து போவதாக தமிழகம் முழுவதும் வதந்தி பரவியது.
இதையடுத்து தமிழக அரசு, வதந்தியை நம்ப வேண்டாம் என்றும், குழந்தைகளுக்கு ஆபத்து இல்லை என்றும் பொதுமக்களுக்கு தெரிவித்தது.
மேலும் வதந்தி பரவிய இடங்களில் எல்லாம் காவல்துறையினர், வாகனங்களில் சென்று மைக்கில் பிரசாரம் செய்தனர். போலியோ சொட்டு மருந்தால் குழந்தைகளுக்கு ஆபத்தில்லை என்றும் வதந்திகளை நம்பாதீர்கள் என்றும், வதந்தி பரப்புபவர்கள் மீது கடும் நடவடிக்கை எடுக்கப்படும் என்றும் பிரசாரம் செய்தனர்.
