இலங்கைத் தமிழர் பிரச்சனை தொடர்பாக, முதல்வர் கருணாநிதி தலைமையிலான அனைத்துக் கட்சி குழுவை வரும் 4ஆம் தேதி டெல்லியில் காலை 10.15 மணியளவில் அவரது அலுவலகத்தில் சந்திக்க இருப்பதாக பிரதமர் மன்மோகன் சிங் உறுதியளித்துள்ளார்.
இது தொடர்பாக பிரதமர் மன்மோகன் சிங் தமிழக முதல்வர் கருணாநிதிக்கு எழுதியுள்ள கடிதத்தில், இலங்கை தமிழர் பிரச்சனை குறித்து 25.11.2008 தேதியிட்டு முதல்வர் எழுதிய கடிதம் கிடைத்ததாக குறிப்பிட்டுள்ளார்.
4.12.2008 அன்று காலை 10.15 மணி அளவில் தமிழக முதல்வர் கருணாநிதி தலைமையில் வருகின்ற அனைத்து கட்சி தலைவர்களின் குழுவினை அவரது அலுவலகத்தில் சந்திப்பதாகவும் பிரதமர் மன்மோகன் சிங் அந்த கடிதத்தில் தெரிவித்துள்ளார்.
