சட்டப்பேரவையில் ஒரே நாளில் 19 மசோதாக்கல் நிறைவேறின!
சனி, 15 நவம்பர் 2008 (09:40 IST)
தமிழக சட்டப்பேரவையில் நேற்று ஒரே நாளில் 19 சட்ட முன்வடிவுகள் நிறைவேற்றப்பட்டன. இதைத்தொடர்ந்து மறு தேதி குறிப்பிடாமல் அவை ஒத்தி வைக்கப்பட்டது.
கடந்த 10ஆம் தேதி தொடங்கிய தமிழக சட்டப்பேரவையின் குளிர்கால கூட்டத் தொடர் இறுதி நாளான நேற்று பேரவை நிகழ்ச்சிகள் காலை 9.30 மணியில் இருந்து பிற்பகல் 2.59 மணி வரை நீடித்தது.
இதையடுத்து, சட்டப்பேரவை நிகழ்வுகள் முடிவடைந்ததைத் தொடர்ந்து, பேரவை காலவரையின்றி ஒத்தி வைக்கப்பட்டது.
இதற்கான தீர்மானத்தை அவை முன்னவர் க.அன்பழகன் கொண்டு வந்தார். பின்னர் குரல் வாக்கெடுப்பு மூலம் அந்தத் தீர்மானம் நிறைவேற்றப்பட்டது.
