இலங்கையில் தமிழர்கள் இனப்படுகொலை செய்யப்படுவதை கண்டித்து, தமிழகம் முழுவதும் மாணவர்கள், அரசியல் கட்சிகள் உள்பட பல்வேறு இயக்கங்கள் போராட்டங்களை நடத்தி வருகின்றனர்.
தமிழக திரையுலகத்தினரும் தங்களது ஆதரவை தெரிவித்து 18ஆம் தேதி முதல் 20ஆம் தேதி வரை படப்பிடிப்பை ரத்து செய்துள்ளனர். இலங்கை தமிழர்களுக்கு ஆதரவாக ஆதரவாக அவர்கள் இன்று ராமேஸ்வரத்தில் பேரணி நடத்தினர்.
இதற்காக இன்று ராமேஸ்ரத்தில் குவிந்த சுமார் 2 ஆயிரத்திற்கும் மேற்பட்ட திரையுலகத்தினர் ராமேஸ்வரத்தில் உள்ள தமிழ்நாடு ஓட்டல் முன்பு திரண்டனர். அங்கிருந்து இயக்குனர் பாரதிராஜா தலைமையில் கீழக்காடு கிராமம் நோக்கி ஊர்வலமாக சென்றனர்.
