தமிழ்நாடு திரைப்பட இயக்குனர்கள் சங்க தலைவராக பாரதிராஜா செயல்படக் கூடாது என்று சென்னை உரிமையியல் நடுவர் நீதிமன்றம் இடைக்கால தடைவிதித்துள்ளது.
தமிழ்நாடு இயக்குனர்கள் சங்க நிர்வாகிகள் தேர்தல் கடந்த ஜூன் 8ஆம் தேதி நடைபெற்றது. இதில் இயக்குனர் பாரதிராஜா தலைவராக தேர்ந்தெடுக்கப்பட்டார்.
இந்த தேர்தலை எதிர்த்து இயக்குனர் ஆர்.சி.சக்தி சென்னை உரிமையியல் நடுவர் நீதிமன்றத்தில் வழக்கு தொடர்ந்தார். இந்த வழக்கு நிலுவையில் உள்ளது.
இதை எதிர்த்தும் ஆர்.சி.சக்தி, நீதிமன்றத்தில் மனுத்தாக்கல் செய்தார். அதில், ''தனி அதிகாரி நியமித்து தேர்தலை முறையாக நடத்தவேண்டும்'' என்று கூறியிருந்தார்.
இந்த இரு மனுக்களும் 7-வது உரிமையியல் நடுவர் மன்ற நீதிபதி கிருபாநிதி முன்னிலையில் விசாரணைக்கு வந்தது. அப்போது, மறுஉத்தரவு பிறப்பிக்கும் வரை பாரதிராஜா சங்க தலைவராக பதவி வகிக்கக்கூடாது என்று நீதிபதி இடைக்கால உத்தரவு பிறப்பித்தார்.
