தமிழகம் முழுவதும் தி.மு.க. உண்ணாவிரதம்: சென்னையில் கருணாநிதி தொடங்கி வைத்தார்!
சனி, 19 ஜூலை 2008 (09:42 IST)
தமிழக மீனவர்கள் மீதான சிறிலங்க கடற்படையினரின் தாக்குதலை கண்டித்து தமிழகம் முழுவதும் இன்று தி.மு.க. சார்பில் உண்ணாவிரத போராட்டம் நடைபெற்று வருகிறது. சென்னை சேப்பாக்கத்தில் நடைபெற்ற உண்ணாவிரதத்தை முதலமைச்சர் கருணாநிதி தொடங்கி வைத்தார்.
தமிழக கடற்கரையோர பகுதியில் உள்ள மீனவர்கள் கடலுக்குள் மீன் பிடிக்க செல்லும் போது, சிங்கள ராணுவ வீரர்களால் காட்டுமிராண்டித்தனமாக துப்பாக்கி சூடு நடத்தி கொலை செய்யப்பட்டுள்ளதை கண்டித்தும் மற்றும் இப்பிரச்சினையில் மத்திய அரசு உடனடியாக நடவடிக்கை மேற்கொள்ள வலியுறுத்தியும் தி.மு.க.சார்பில் தமிழகம் எங்கும் உண்ணாவிரத அறப்போராட்டம் இன்று காலை 8 மணி முதல் தொடங்கியது.
