இது தொடர்பாக அவர் இன்று பிரதமர் மன்மோகன்சிங்குக்கு எழுதியுள்ள கடிதத்தில், தமிழக மீனவர்கள் மீது இலங்கை கடற்படை மேற் கொள்ளும் தொடர் தாக்குதலையும், அராஜகத்தையும் மிகுந்த கவலையோடும், வேதனையோடும் மீண்டும் தங்கள் மேலான கவனத்துக்கு கொண்டு வர விரும்புகிறேன்.
கடந்த 26ஆம் தேதி நாட்டுப் படகுகளில் மீன் பிடிக்கச் சென்ற 23 தமிழக மீனவர்கள் சிறிலங்கா கடற்படையினரால் அழைத்து செல்லப்பட்டனர். சிறிலங்கா கடற்படையின் காவலில் உள்ள மீனவர்களைப் பற்றியும் அவர்கள் பயனித்த படகுகள் பற்றிய விவரங்களும் இத்துடன் இணைக்கப்பட்டுள்ளன. சிறிலங்கா கடற்படையினரால் கைப்பற்றப்பட்ட படகுகளை விடுவிக்கவும், 23 மீனவர்களையும் அவர்களது படகுகளுடன் பாதுகாப்பாக விடுவிக்கவும் துரித நடவடிக்கை மேற்கொள்ளுமாறு வேண்டுகிறேன்.
கொழுந்து விட்டெரியும் இந்த பிரச்சினையைக் கண்டு கொள்ளாமல் தூங்கிக் கொண்டு இருக்கும் அரசு இனிமேலாவது விழித்துக் கொண்டு உடனடி நடவடிக்கை எடுத்து, மீன்பிடித் தொழிலை அமைதியாகத் தொடர மீனவர்கள் மனதில் நம்பிக்கையை ஏற்படுத்த வேண்டுகிறேன் என்று வைகோ கூறியுள்ளார்.
