சி.பி.எஸ்.இ. 10ஆம் வகுப்பு தேர்வு முடிவு இன்று மாலை வெளியீடு!
செவ்வாய், 27 மே 2008 (10:02 IST)
சி.பி.எஸ்.இ. 10ஆம் வகுப்பு தேர்வு முடிவு இன்று மாலை 5 மணிக்கு வெளியிடப்படுகிறது தேர்வுகட்டுப்பாட்டு அதிகாரி எம்.சி.சர்மா தெரிவித்துள்ளார்.
சென்னை மண்டல சி.பி.எஸ்.இ. 10ஆம் வகுப்பு தேர்வு 28ஆம் தேதியும், டெல்லி மண்டல தேர்வு முடிவு 29ஆம் தேதியும் வெளியிடப்படும் என்று சி.பி.எஸ்.இ. தலைவர் அசோக் கங்கூலி கடந்த சில நாட்களுக்கு முன்பு அறிவித்திருந்தார். ஆனால், சென்னை மண்டல தேர்வு முடிவு முன்கூட்டியே வெளியிடப்படுகிறது.
சி.பி.எஸ்.இ. சென்னை மண்டல தேர்வு முடிவு இன்று (27ஆம் தேதி) மாலை 5 மணிக்கு வெளியிடப்படும் என்று சி.பி.எஸ்.இ. தேர்வுகட்டுப்பாட்டு அதிகாரி எம்.சி.சர்மா டெல்லியில் நேற்று அறிவித்துள்ளார். டெல்லி மண்டல தேர்வு முடிவு ஏற்கனவே அறிவிக்கப்பட்டபடி 29ஆம் தேதி வெளியிடப்படும் என்றும் அவர் கூறி இருக்கிறார். சி.பி.எஸ்.இ. இணையதளத்தில் தேர்வு முடிவை தெரிந்து கொள்ளலாம்.
