மதுரை மாவட்டம் உசிலம்பட்டி அருகே உள்ள உத்தபுரம் கிராமத்தில் இரு பிரிவினருக்கிடையே இருந்த தடுப்பு சுவர் கடந்த 6ஆம் தேதி மாவட்ட நிர்வாகத்தால் இடிக்கப்பட்டது. இதற்கு எதிர்ப்பு தெரிவித்து ஒரு பிரிவை சேர்ந்த மக்கள் உத்தபுரம் அருகே உள்ள தாழையூத்து மலைப்பகுதிக்கு சென்று குடியேறினர்.
இதைத் தொடர்ந்து உத்தபுரம் மக்கள் 5-வது நாளாக இன்றும் மலைப்பகுதியில் வசித்து வருகிறார்கள். குழந்தைகளும், பெண்களும் வெயில், மழை, பனியில் படுத்து தூங்குவதால் அவர்களுக்கு தொற்று நோய் பரவும் அபாயம் ஏற்பட்டுள்ளது.
