கர்நாடக தேர்தலில் காங்கிரஸ் கட்சிக்கு விடுதலை சிறுத்தைகள் கட்சினரும், தமிழ்பெருங்குடி மக்களும் ஆதரவு அளித்து வெற்றி பெற செய்ய வேண்டும் என்று விடுதலை சிறுத்தைகள் கட்சி பொதுச் செயலாளர் திருமாவளவன் கூறியுள்ளார்.
இது தொடர்பாக அவர் வெளியிட்டுள்ள அறிக்கையில், கர்நாடக மாநில சட்டபேரவை பொதுத் தேர்தலில் இந்திய தேசிய காங்கிரஸ் கட்சியை கர்நாடக விடுதலைசிறுத்தைகள் ஆதரிக்கிறது. காங்கிரஸ் கட்சியின் வேட்பாளர்களுக்கு கர்நாடக விடுதலை சிறுத்தைகளும் தமிழ்பெருங்குடி மக்களும் ஓட்டுமொத்தமாக பேராதரவு அளித்து வெற்றி பெறச் செய்ய வேண்டுமாறு கேட்டுக்கொள்கிறேன்.
தாழ்த்தப்பட்ட, பழங்குடியின மக்களின் பாதுகாப்பு மற்றும் தமிழ் பெருங்குடி மக்களின் பாதுகாப்பு கர்நாடகத்தில் மதவாத சக்திகளை ஆட்சி அதிகாரத்திற்கு வரவிடாமல் தடுப்பது இன்றியமையாத தேவையாகிறது.
ஆகவே கர்நாடகத்தில் காங்கிரஸ் ஆட்சியை உருவாக்க விடுதலை சிறுத்தைகளும் தமிழ்பெருங்குடி மக்களும் வாக்களித்து தமது பேராதரவை நல்க வேண்டுமென்று கேட்டுக்கொள்கிறேன் என்று திருமாவளவன் கூறியுள்ளார்.
