கேள்வி: கம்யூனிஸ்ட்களை விமர்சிக்க முதல்வர் கருணாநிதி தயாரா என்றும் அதற்கான துணிவு உங்களுக்கு இல்லை என்றும் தமிழக பா.ஜ.க. தலைவர் இல.கணேசன் சொல்லியிருக்கிறாரே?
பதில்: கம்யூனிஸ்ட் கட்சி நண்பர்கள் பேரவையிலிருந்து விலைவாசி உயர்வு குறித்து வெளிநடப்பு செய்தபோது, அதற்காக வருத்தப்படுகிறேன் என்றும், அவர்கள் வெளிநடப்பு செய்தது பொருத்தமானதல்ல என்றும் பேரவையிலேயே விமர்சித்திருக்கிறேன். என்னுடைய துணிவைப்பற்றி இல.கணேசன் நன்கறிவார்.
கேள்வி: தி.மு.க ஆட்சியை அகற்ற அ.தி.மு.க.வுடன் இணைந்து மக்கள் சக்தியைத் திரட்டப் போவதாக வைகோ சொல்லியிருக்கிறாரே?
பதில்: சேது சமுத்திரத் திட்டம், இலங்கைப் பிரச்சினை போன்றவற்றில் அவருடைய தோழமைக் கட்சியான அ.தி.மு.க.வின் ஆதரவைப் பெற முதலில் முயற்சிக்கட்டும்.
