‌‌ஸ்டா‌ன்‌லி, அரசு பொது மரு‌த்துவமனை‌க்கு ‌நில‌ம் ஒது‌க்‌கீடு: முத‌ல்வ‌ர்!

165 ஆ‌ண்டுக‌ள் பார‌ம்ப‌ரிய‌‌மி‌க்க செ‌ன்னை அரசு பொது மரு‌த்துவமனை, ‌ஸ்டா‌லி‌ன் மரு‌த்துவமனை ‌வி‌ரிவா‌க்க‌த்து‌க்கு முத‌ல்வ‌ர் கருணா‌நி‌தி கூடுதலாக ‌நில‌ம் ஒது‌க்‌கி உ‌ள்ளா‌ர்.

ச‌ட்ட‌ப் பேரவை‌யி‌ல் முதலமைச்சர் கருணாநிதி இ‌ன்று 110-வது விதியின் கீழ் அளித்த அறிக்கை‌யி‌ல், சென்னை மத்திய சிறையினை புழல் பகுதிக்கு மாற்றிய 13.238 ஏக்கர் நிலம் தற்போது காலியாக உள்ளது. இந்த நிலத்தில் 1 ஏக்கர் நிலத்தை சென்னை மெட்ரோ ரெயில் அலுவலகத்திற்கு வழங்குவதென்றும், 1.5 ஏக்கர் நிலத்தை மெட்ரோ ரெயில் செயல்பாட்டிற்கான துணை மின் நிலையம் ஒன்றை அமைப்பதற்கு தமிழ்நாடு மின் வாரியத்திற்கு வழங்குவதென்றும் முடிவு செய்யப்பட்டுள்ளது. இவை போக அங்கே 10.73 ஏக்கர் நிலம் எஞ்சி உள்ளது.

165 ஆ‌ண்டுக‌ள் பார‌ம்ப‌ரிய‌ம்‌மி‌க்க சென்னை அரசு பொது மருத்துவமனையின் விரிவாக்கத்திற்கு மேலும் நிலம் வேண்டுமென்ற கோரிக்கை நீண்ட நாட்களாக உள்ளது. 2,722 படுக்கைகள் கொண்ட மருத்துவமனை இது. இத்துடன் சுமார் 2000 மாணவர்கள் படிக்கும் மருத்துவ கல்லூரியும் இணைந்து செயல்பட்டு வருகிறது. நாள் ஒன்றுக்கு சுமார் 12 ஆயிரம் வெளி நோயாளிகள் இங்கே சிகிச்சைக்காக வந்து செல்கிறார்கள்.

இவ்வளவு பெரிய மருத்துவமனை தற்போது 30 ஏக்கர் நிலத்தில் மட்டுமே அமைந்திருப்பதால் இடப் பற்றாக்குறை பெரிதும் உள்ளது. இதனைப் போக்கிடும் வகையில், இந்தப் பொது மருத்துவமனைக்கு பக்கத்தில் உள்ள பழைய சிறைச்சாலை இருந்த இடத்திலேயே எஞ்சியுள்ள சுமார் 10 ஏக்கர் நிலத்தினை அரசு பொது மருத்துவ மனையின் விரிவாக்கத்திற்காக வழங்குவ தென்று இந்த அரசு முடிவு செய்துள்ளது.

இது போலவே வட சென்னையில் உள்ள ஸ்டான்லி மருத்துவமனை மற்றும் மருத்துவக் கல்லூரி மிகவும் பழமையானதாகும். ஸ்டான்லி மருத்துவக்கல்லூரியில் சுமார் 1500 மாணவர்கள் பயின்று வருகின்றார்கள். இந்த மருத்துவமனை மற்றும் மருத்துவக் கல்லுரியின் வளர்ச்சிக்காக தமிழக அரசு 100 கோடி ரூபாய் சென்ற ஆண்டுதான் வழங்கியுள்ளது. குறிப்பாக மாணவர்களுக்குத் தேவையான விடுதி வசதிகளை ஏற்படுத்தவும் மருத்துவமனை விரிவாக்கத்திற்காகவும் இந்தத் தொகை செலவிடப்படவுள்ளது. அங்கேயும் இடப் பற்றாக்குறை பெரிதாக உள்ளது.

இந்த மருத்துவமனைக்கு அருகில் பொதுப் பணித்துறைக்குச் சொந்தமான சுமார் 10 ஏக்கர் நிலம் உள்ளது. ஸ்டான்லி மருத்துவ மனையின் தேவையை உத்தேசித்து, தற்போது பொதுப்பணித்துறையின் வசம் உள்ள இந்த பத்து ஏக்கர் நிலத்தைப் பெற்று, அதனை ஸ்டான்லி மருத் துவமனையின் விரிவாக் கத்திற்காக வழங்கவும் தமிழக அரசு முடிவு வெடுத்துள்ளது எ‌ன்று முதலமை‌ச்ச‌ர் கருணா‌நி‌தி கூ‌றினா‌ர்.