செ‌ன்னை‌யி‌ல் பரவலாக மழை!

கடந்த சில நாட்களாக செ‌ன்‌னை‌யி‌ல் வெயிலின் தாக்கம் அதிகரித்த நிலையில் இன்று நண்பகல் இடியு‌‌ட‌ன் மழை பெய்தது.

சற்றேரக்குறைய ஒரு மணி நேரம் பெய்த மழையால் சென்னை நகரின் தாழ்வான பகுதிகள் வெள்ளத்தால் சூழப்பட்டன. இதனா‌‌ல் இரு சக்கர வாகனங்களில் சென்றவர்கள் மிகவும் அவதிப்பட்டனர்.

இதேபோல் கடந்த 24 மணி நேரத்தில் தமிழகத்தில் பல இடங்களில் மிதமான மழை பெய்துள்ளது. கோவை மாவட்டம் வால்பாறையில் அதிகபட்சமாக 7 செ.மீ. மழை பதிவாகியுள்ளது.

தேன்கனிக்கோட்டை (கிருஷ்ணகிரி), உடுமலைப்பேட்டை (கோவை), மணப்பாறை (திருச்சி) ஆகிய இடங்களிலும் ஓரளவு மழை பெய்துள்ளது.

தமிழகம், புதுச்சேரி மாநிலத்தின் சில மாவட்டங்களில் அடுத்த 24 மணி நேரத்தில் மிதமான மழை பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது.

சென்னை மற்றும் அதன் சுற்றுப்புறப் பகுதிகளில் சில இடங்களில் இடியுடன் கூடிய மழை பெய்யலாம். நகரின் வெப்பநிலை 33 டிகிரி செல்சியசுக்கும், 26 டிகிரி செல்சியசுக்கும் இடைப்பட்டதாக இருக்கும்.