வசந்தத்தை கொண்டாடவும் அன்பின் வெளிப்பாட்டை தெரிவிக்கவும் சிறப்பாக வடிவமைக்கப்பட்டுள்ள வாழ்த்து அட்டைகளை அஞ்சல் துறை வெளியிட்டுள்ளது.
இந்த வாழ்த்து அட்டைகள் மூன்று விதங்களில் அழகாக வடிவமைக்கப்பட்டுள்ளன. ரோஜா பூவின் நறுமணத்துடன் கூடிய அஞ்சல் தலைகள் மற்றும் உறைகளுடன் இந்த அட்டைகள் கிடைக்கும். அஞ்சல் தலைகளுடன் கூடிய வாழ்த்து அட்டை ஒன்றின் விலை ரூ.15 ஆகும்.
தமிழகத்தில் உள்ள அனைத்து அஞ்சல்தலை சேகரிப்பு மையங்கள் மற்றும் விரிவாக்க பிரிவுகளில் இந்த வாழ்த்து அட்டைகள் விற்பனைக்கு கிடைக்கும்.
