''வீட்டுமனைப் பட்டாக்களைப் பெற மனைக்காக ஏற்கனவே பணம் செலுத்தியவர்களுக்கு பணம் திருப்பித்தரப்படும் எனத் தமிழக அரசு அறிவித்து உள்ளதைப் பாராட்டுகிறோம்'' என்று இந்திய கம்யூனிஸ்ட் கட்சியின் தமிழ்மாநில செயலாளர் தா.பாண்டியன் கூறியுள்ளார்.
இது தொடர்பாக அவர் இன்று வெளியிட்டுள்ள அறிக்கையில், தமிழக அரசு இலவச வீட்டுமனைப் பட்டாக்கள் பெறுவோர்க்கென நிர்ணயித்திருந்த வருமான உச்சவரம்பை நீக்கியதோடு, கிராமப் புறங்களில் நான்கு சென்ட்டும், நகராட்சிப் பகுதிகளில் இரண்டரை சென்ட்டும், மாநகராட்சிப் பகுதிகளில் இரண்டு சென்ட்டும் வீடு கட்ட நிலம் வழங்குவதென மேற்கொண்டுள்ள முடிவை இந்தியக் கம்யூனிஸ்ட் கட்சியின் தமிழ்நாடு மாநிலக் குழு வரவேற்கிறது.
இதோடு, வீட்டுமனைப் பட்டாக்களைப் பெற மனைக்காக ஏற்கனவே பணம் செலுத்தியவர்களுக்கு அப்பணம் திருப்பித்தரப்படும் எனத் தமிழக அரசு அறிவித்து உள்ளதைப் பாராட்டி வரவேற்கிறோம் என்று இந்திய கம்யூனிஸ்ட் கட்சியின் தமிழ்மாநில செயலாளர் தா.பாண்டியன் கூறியுள்ளார்.
