சென்னையில் மன்றோ சிலை அருகில் இன்று மாலை வை.கோ, பழ.நெடுமாறன் ஆகியோர் தலைமையில் நூற்றுக்கணக்கான ம.தி.மு.க., தமிழர் தேசிய இயக்கத் தொண்டர்களும் குவிந்தனர். பின்னர் தமிழ்செல்வனுக்கு வீரவணக்கம் தெரிவித்து முழக்கங்களை எழுப்பியபடி ஊர்வலமாக நகரத் தொடங்கினர்.
இதில், மார்க்சிய பெரியாரிய பொதுவுடைமைக் கட்சியின் செயலாளர் வே.ஆனைமுத்து, தமிழ்த் தேசப் பொதுவுடைமைக் கட்சியின் செயலாளர் மணியரசன், ஓவியர் வீரசந்தானம், எழுத்தாளர் பா.செயப்பிரகாசம் உள்படப் பல்வேறு தமிழ்சார்ந்த இயக்கங்களின் பொறுப்பாளர்களும் பங்கேற்றனர்.
