''அருந்ததியர் தனி இடஒதுக்கீட்டிற்கு ஜாதிவாரிய கணக்கெடுப்பு தேவை'' என்று விடுதலைச்சிறுத்தைகள் பொதுச் செயலாளர் தொல்.திருமாவளவன் கோரிக்கை விடுத்துள்ளார்.
இது குறித்து அவர் வெளியிட்டுள்ள அறிக்கையில், தாழ்த்தப்பட்டோரில் மிகவும் ஒடுக்கப்பட்ட நிலையில் உள்ள அருந்ததியினருக்கு தனி இட ஒதுக்கீடு தேவை என்றும் கோரிக்கையை விடுதலைச் சிறுத்தைகள் வலியுறுத்தி வருகிறது.
தாழ்த்தப்பட்டோருக்கான 18 விழுக்காட்டில் 6 விழுக்காட்டை அருந்ததியருக்கு வழங்கிட வேண்டும் என கோரி வருகின்றனர். ஏற்கனவே தாழ்த்தப்பட்டோரின் இட ஒதுக்கீட்டு அளவை 16லிருந்து 18 விழுக்காடாக உயர்த்தியதுடன் தனியே பழங்குடியினருக்கு ஒரு விழுக்காடு வழங்கிய முதல்வர், தற்போது தாழ்த்தப்பட்டோருக்கு மேலும் ஒரு விழுக்காடு உயர்த்த வேண்டும் எனவும், அனைத்து ஜாதியினருக்கும் ஜாதி அடிப்படையில் மக்கள் தொகை கணக்கெடுப்பு செய்து இடஒதுக்கீடு வழங்கிட வேண்டும் என்று திருமாவளவன் வலியுறுத்தி உள்ளார்.
