தமிழகம் முழுவதும் 10 ஆயிரம் விநாயகர் சிலை : இந்து மக்கள் கட்சி!
Webdunia
வெள்ளி, 7 செப்டம்பர் 2007 (13:38 IST)
தமிழ்நாடு முழுவதும் 10,000 இடங்களில் விநாயகர் சிலைகள் வைக்கப்படும் என்று இந்து மக்கள் கட்சி தலைவர் அர்ஜுன் கூறியுள்ளார்.
வரும் 15ஆம் தேதி முதல் 23ஆம் தேதி வரை தமிழ்நாடு முழுவதும் விநாயகர் சதுர்த்தி விழா கொண்டாடப்படும். சென்னையில் 1008 இடங்களில் சிலைகள் வைத்து பூஜை செய்யப்படும். 23 ஆம் தேதி சிலை ஊர்வலமாக எடுத்துச் சென்று கரைக்கப்படும் என்று இந்து மக்கள் கட்சி அறிவித்துள்ளது.
தமிழ்நாடு முழுவதும் 10 ஆயிரம் இடங்களில் விநாயகர் சிலைகள் வைக்கப்படும். விழா நடைபெறும் முதல் நாளில் திலகர் தினமாக கொண்டாப்படும். அடுத்து தீண்டாமை ஒழிப்பு, சமத்துவ தினம், சுதேசி விழிப்புணர்வு, விவேகானந்தர் தினம், இந்து சமய ராஜ்ய தினம், ராமர் பாலம் இடிப்பு எதிர்ப்பு தினம், திருமுறை தினம், ஆழ்வார் தினம் மற்றும் பயங்கரவாத எதிர்ப்பு தினமாக கொண்டாடப்படும் என்று கட்சித் தலைவர் அர்ஜுன் தெரிவித்துள்ளார்.
