5 ஆண்டு கால ஆட்சியில் ஒருமுறை கூட ஆட்டோ கட்டணத்தை அதிகப்படுத்திக் கொடுக்க முன்வராத ஜெயலலிதா, தற்போது அறிக்கை விட்டு ஆட்டோ ஓட்டுநர்களை ஏமாற்றலாம் என்று முயற்சிக்கிறார். ஆனால் இவரது வார்த்தைகளை நம்பி அவர்கள் ஏமாறத் தயாராக இல்லை என நேரு கூறியுள்ளார்.
ஜெயலலிதாவின் அன்றாடம் விடுக்கும் அறிக்கையின் தொடர்ச்சியாக போக்குவரத்துத் துறை பற்றி, குறிப்பாக ஆட்டோ ஓட்டுநர்களின் பிரச்சினை குறித்து நீலிக் கண்ணீர் வடிக்கிறார் என்று அமைச்சர் நேரு குற்றம்சாற்றியுள்ளார்.
