சிட்னியில் நடந்த இந்தியா-ஆஸ்ட்ரேலியா 2வது டெஸ்ட் போட்டியில் ஆஸ்ட்ரேலியாவுக்கு சாதகமாக நடந்து கொண்டதாக நடுவர் ஸ்டீவ் பக்னர் மீது தொடர் புகார்கள் எழுந்தன.
மேலும் இந்திய வீரர் ஹர்பஜன் சிங்குக்கு 3 டெஸ்ட் போட்டிகளில் தடைவிதித்ததையும் எதிர்த்து இந்திய கிரிக்கெட் வாரியம் அப்பீல் மனு செய்துள்ளது.
இந்த நிலையில் இந்திய வீரர்கள் அடுத்து நடக்க உள்ள பெர்த் டெஸ்ட் போட்டிகளில் விளையாடும் வகையில் நடுவர் ஸ்டீவ் பக்னரை நீக்கி சர்வதேச கிரிக்கெட் பேரவை (ஐ.சி.சி.) உத்தரவிட்டுள்ளது.
இந்திய-ஆஸ்ட்ரேலியா டெஸ்ட் தொடர்களில் நடுவர் ஸ்டீவ் பக்னருக்கு பதிலாக நியூ ஸீலாந்தை சேர்ந்த பில்லி பெளடன் நடுவராக இருப்பார் என்று சர்வதேச கிரிக்கெட் வாரிய தலைவர் மால்கம் ஸ்பீட் அறிவித்துள்ளார்.
